Unicode Converter१९ मंसिर २०७८, आईतवार

बेनेली टीएनटी १५ : चाडपर्वको अफर सहित यसरी लिन सकिन्छ किस्ताबन्दीमा

बेनेलीको नेपाली बजारमा सबैभन्दा सस्तो मोटरसाइकल हो टीएनटी १५ । यसको मूल्य २ लाख ४७ हजार ५ सय रुपैयाँ तोकिएको छ ।

बेनेलीले यो मोटरसाइकल ३० देखि ५० प्रतिशत सम्म डाउन पेमेन्ट गरेर बाँकी रकम २ वर्ष सम्म मासिक किस्ताबन्दीको रुपमा तिर्न सकिने सुविधा उपलब्ध गराएको छ । यस अनुसार यो मोटरसाइकलका लागि शुरुमा ३० प्रतिशत रकम मात्र बुझाएर बाँकी रकम विस्तारै २ वर्ष भित्र तिर्न सकिन्छ । फाइनान्समार्फत १६ प्रतिशत घट्दो ब्याजदरमा सो रकम उपलब्ध हुन्छ ।

शुरुमा ३० प्रतिशत डाउन पेमेन्टको रुपमा ७४ हजार २५० रुपैयाँ बुझाउन सकिन्छ । त्यसैगरी सेवा शुल्क, इन्स्योरेन्स, नामसारी आदिका लागि थप रकम लाग्ने हुँदा सबै गरी करिव ८८ हजार रुपैयाँ शुरुमा बुझाउनु आवश्यक हुन्छ । यस अनुसार ८८ हजार रुपैयाँ भए बेनेली टीएनटी १५ मोटरसाइकललाई आफ्नो बनाउन सकिन्छ ।

थ्रीएक्स डिस्काउन्ट फिएस्टा अफर अन्तर्गत विभिन्न छुटको अवसर
नेपालका लागि बेनेली मोटरसाइकलको आधिकारिक वितरक केटीएम इन्टरनेसनल ट्रेडिङले हाल चाडपर्वको अवसरमा थ्रीएक्स डिस्काउन्ट फिएस्टा अफर ल्याएको छ । यस अन्तर्गत मोटरसाइकल किन्नु भन्दा पहिले, किन्दा र किने पछि गरी तीन पटक सम्म छुट र विभिन्न अफर प्राप्त गर्न सकिने छ ।

पहिलो ई–डिस्काउन्ट अन्तर्गत मोटरसाइकल किन्नु भन्दा पहिले नै घरैबाट समेत क्युआर कोड स्क्यान गर्न सकिन्छ । मोटरसाइकल किन्न चाहने वा नचाहनेले समेत क्युआर कोड स्क्यान गर्न सक्छन् । बेनेलीको सोरुममै पुगेर पनि स्क्यान गर्न सकिन्छ । यसरी स्क्यान गर्दा १ लाख रुपैयाँ सम्म जित्ने अवसर प्राप्त हुनेछ ।

त्यसैगरी मोटरसाइकल किन्ने निश्चित भइसके पछि वाक इन डिस्काउन्ट अफर प्राप्त हुनेछ । ग्राहकलाई स्क्र्याच कार्ड प्रदान गरिने छ र सो कार्डबाट समेत १ लाख रुपैयाँ सम्म जित्न सकिने छ ।

त्यसैगरी मोटरसाइकल किनिसके पछि ग्राहकलाई ५ हजार रुपैयाँ सम्मको अमेजिङ गिफ्ट प्रदान गरिने छ । यसवापत हेल्मेट र अन्य विभिन्न गिफ्ट प्रदान गरिने छ । विभिन्न प्रकारको गेम खेलाएर ग्राहकलाई यस्ता गिफ्ट प्रदान गरिने छ ।

यस्तो छ बेनेली टीएनटी १५
बेनेली टीएनटी १५ मा अल डिजिटल इन्स्ट्रयुमेन्ट क्लस्टर रहेको छ भने दुवै पांग्रामा डिस्क ब्रेक छ । यसमा १४८ सीसी, एयर कुल्ड, सिंगल सिलिन्डर इन्जिन छ, जसले १२.०६ बीएचपी पावर र ११ एनएम टर्क दिन्छ ।

यसको इन्जिनमा ५–स्पिड म्यानुअल गियरबक्स जडान गरिएको छ । यसमा १६ लिटर क्षमताको इन्धन ट्यांकी छ । यसको तौल १४० किलोग्राम छ । यसको ग्राउन्ड क्लियरेन्स १८५ एमएम छ ।

Facebook Comments